ILOILO — Arestado ang delivery rider kag iya abyan sang nakuhaan sang duha ka milyon ka pesos nga balor sang suspected shabu sa drug bust operation sa Brgy. Pulo Maestra Vita, Oton kaina sang kaagahon.
Ang operasyon ginhimo sang Regional Police Drug Enforcement Unit (RPDEU) 6.
Suno kay Police Major Marvin Villanueva, deputy chief sang RPDEU, may nagapadala sang illegal items kay alyas Jan kag iya gina-deliver.
Ginahibalo sang mga pulis kon diin nagakuha sang supply sang illegal drugs ang subject.
Preso sa Oton Police Station ang mga nadakpan. — Aksyon Paula Elambayo
