P2 million nga balor sang suspected shabu na-recover sa drug buy bust sa Arevalo; Mga subject nagtuyo pa magpalagyo sakay sa awto

ILOILO CITY — Naglab-ut sa P2,074,000 nga balor sang suspected shabu ang na-recover sa apat ka nadakpan sa buy bust operation sang Regional Police Drug Enforcement Unit sa Zone 11 Brgy. Calaparan, Arevalo kagab-i.

Duha ka lalaki kag duha ka babaye ang nadakpan nga nagasakay sa pula nga awto. Ginkilala ang main subject kay alyas Jo nga babaye samtang dakup man si alyas Jan, driver sang awto; alyas Monique kag alyas Jose.

Suno kay Police Captain Glenn Soliman, chief sang RPDEU, pila ka bulan nga gin-monitor ang subject antes nadakpan.

Sang naga-transaksyon, ginpahayag sang police nga nagpalagyo ang mga subject sang nakamutik nga police ang ka-transaksyon.

Ginabanta sa 60 tubtob 70 meters ang kalayuon sang awto tubtob nga nalagas sang mga operatiba.

Gin-conduct ang operasyon sang Regional Police Drug Enforcement Unit (RPDEU). — Aksyon Paula Elambayo