ILOILO – Walo ka sachet sang suspected shabu ang na-recover sa buy bust operation sang Station Drug Enforcement Team-Passi City sa Brgy. Man-it, Passi City pasado kagab-i, Marso 6.
Ginkilala ang subject kay alyas Tim, 25-anyos kag residente sang Brgy. Poblacion, Passi City.
Suno kay Police Lieutenant Colonel Benjo Clarite, hepe sang Passi City Police Station, nagguwa ang ngalan ni alyas Tim sa mga nagligad nga buy bust operation kag sa bulig sang mga informant amo nga na-monitor ang illegal nga aktibidad.
Nagabalor sang P204,000 ang mga na-recover nga suspected shabu nga ginabanta nagabug-at sang 30 grams.
Presu sa Passi City Police Station ang subject.
