P34K nga balor sang suspected shabu na-recover sa street level individual sa Mandurriao

ILOILO CITY — Arestado ang street level individual nga subject sa drug buy bust operation sa Brgy Bolilao, Mandurriao las-8: 20 kagab-i, Pebrero 22.

Ginkilala ang subject kay Benjie Gella alias “APOG” sang Manduriao.

Na-recover ang duha ka sachet sang suspected shabu, P2,000 buy bust money, kag mga gamit sang subject.

Nagabug-at sang lima ka gramos ang mga na-recover nga illegal drugs nga ginabanta nagabalor sang P34,000.

Ginatinguhaan sang Aksyon Radyo Iloilo nga makuhaan sang pahayag ang subject.