P73,000 nga balor sang cash nataban sang ginransak ang tiyangge sa Ajuy

ILOILO — Ginransak sang apat ka mga suspek ang sari-sari store sa NHA Brgy. Barrido, Ajuy pasado la-una kahapon sang kaagahon.

Suno kay Police Captain John Michael Dalipe, hepe sang Ajuy Municipal Police Station, natukiban sang tag-iya nga guba na ang kandado sa pwertahan sang tyangge sang buksan na kuntani gani nag-report sa police station.

Sa imbestigasyon sang pulis, P73,000 nga kwarta ang nataban sang mga suspek kon sa diin tatlo ang mga menor-de-edad.

Robbery ang kaso nga ipasaka sa mga suspek nga at-large, suno sa pulis. — Aksyon Paula Elambayo