ILOILO CITY — Naglab-ut sa P8,160,000 nga balor sang suspected shabu ang na-recover sa mag-live in partner sa Brgy. Hipodromo, City Proper pasado las-11 kagab-i, Disyembre 5.
Ginakabig sang mga pulis nga high value drug personality si alyas Jun nga amo ang main target kag iya live-in partner nga si alyas Tata.
Suno kay Police Major Marvin Villanueva, deputy chief sang Regional Police Drug Enforcement Unit (RPDEU) 6, nadakpan sang 2016 may kaangtanan sa illegal drugs si Jun kag nakaguwa sang 2020.
Gina-monitor sang mga pulis ang ginakuhaan sang supply sang illegal drugs sang mga subject.
Ginalantaw sang RPDEU nga may koneksyon sa iban nga drug personalities ang main subject gani ila gina-imbestigaran.
Nalakip man sa listahan sang Barangay Anti-Drug Abuse Council (BADAC) ang ngalan sang mga subject, suno sa pulis. — Aksyon Paula Elambayo
