Nakuhaan sang P8.7 million nga balor sang suspected shabu ang mag-asawa nga subject sa drug buy bust sa Barangay Binon-an, Batad kaina sang hapon.
Suno kay Police Captain John Predic Padilla, officer-in-charge sang Batad Municipal Police Station, ang subject nga si alyas Nico, 26-anyos pakaisa ni alyas Che-che nga ginkabig “Drug Queen of the North, ang nagbulos sa pag-supply sang illegal nga druga sa Northern Iloilo.
Upod naman ni Nico sa mga transaksyon ang iya asawa nga alyas Shai, 23-anyos.
Nagaserbe nga bodegero sang illegal nga druga ang mag-asawa kag iga-distribute kuntani sa ila mga parokyano kadungan sang Dinagyang Festival.
Sa tatlo ka bulan nga monitoring sa mga subjects, nahibaluan nga personal nga ginakuha ni Nico ang illegal nga druga sa iya boss nga Chinese National sa Metro Manila kag ginasakay sa RoRo sa pag-transport.
Naglab-ot sa 1 kilo and 287 grams sang suspected shabu ang nakumpiskar sa operasyon.
