ILOILO– Natuhog sang kabilya ang wala nga paa sang estudyante sa Brgy. San Matias, Dingle pasado las-8:00 kaina sang aga.
Suno kay Mr. Adje Calanao sang Municipal Disaster Risk Reduction and Management Office (MDRRMO)- Dingle, ginsugo sang iya lola si alyas Ren, 20- anyos, nga tapson ang kawayan nga nagahilay sa ila balay.
Tungod indi malab-ot ni Ren, nagsaka siya sa kilid sang balay nga human sa kawayan apang nadanlog tungod nga basa ang iya napatungan.
Nahulog kag nagdiretso si Ren sa kabilya sang ginapakay-o nila nga balay.
Gilayon nga nagresponder ang Dingle MDRRMO kag gin-utod ang kabilya agud madala siya sa ospital.
Padayon nga ginabulong si Ren sa Iloilo Provincial Hospital sa Pototan. — ARI trainee Robert Nietes
