ILOILO CITY — Gin-report sang Iloilo City Police Office (ICPO) ang malinong kag wala sang na-record nga major incident sa pag-obserbar sang Semana Santa sa siyudad.
Nag-deploy sang police assistance desks ang kapulisan sa mga terminals, pantalan, kag simbahan kag gin-report ang pagdugok sang mga tawo.
May roving teams man ang kapulisan nga nag-upod sa pag-monitor kag bantay sang sitwasyon, kag gindugangan pa sang police visibility sa mga plazas.
Matandaan nga ginpaidalom sa blue alert status ang bilog nga siyudad sa pag-obserbar sang Semana Santa. — Aksyon Marvin Malificiar
