Pagpatublok sang 2nd booster sang COVID-19 vaccine ginahingyo ni Iloilo City Mayor Jerry Treñas

ILOILO CITY — Ginahingyo ni Mayor Jerry Treñas ang publiko nga magpa-second booster batuk sa COVID-19.

Suno sa alkalde, may nag-abot nga mga Pfizer vaccines sa syudad kag available ini sa mga district health centers.

Bisan sin-o ang mahimo makapa-second booster bisan pa ang mga taga-Iloilo Province.

Ginpahayag sang alkalde nga nagalab-ot lang sa 12% ang regional average sang mga nagapa-booster.

Nagapanguna naman ang syudad nga may 40% rate sa pagpa-booster.