ILOILO CITY — Pasado na sa second kag final reading ang pagtukod sang Transport Terminals Inspection Board (TTIB) sang Iloilo City government.
Pagabug-usan ang TTIB sang personnel halin sa Traffic and Transportation Management Office, Office of the Building Official, City Engineering Office, City Health Office, Business Permits and Licensing Office, kag City Tourism Development Office.
Ang TTIB amo ang ma-inspect sang mga transport terminals kag marekomendar kun nagakadapat kakson ukon hatagan sang franchise ang operators.
Una na nga nagpanawagan si Mr. Rizalito Alido, presidente sang Western Visayas Alliance of Transport Cooperatives and Corporations, Inc. (WVATCCI), sa Konseho nga padasigon ang pagtukod sang TTIB agud mapasiguro nga ginasunod sang transport terminal operators ang mga patakaran para mahatagan sang franchise sa pag-operate.
