ILOILO — Preso sa Barotac Nuevo Police Station ang 31-anyos nga panday sang nadakpan sa drug buy bust operation sa Brgy. Lagubang pasado las-12 kahapon sang udto, Oktubre 24.
Ginkilala ang subject kay Al-Zohal Panaguiton nga residente sang nasambit nga lugar.
Suno kay Police Lieutenant Cedrick Cruz, Officer-In-Charge sang Barotac Nuevo Police Station, tatlo ka bulan ang monitoring kay Panaguiton tubtob nadakpan sa operation.
Una gin-operate ang subject sang nagligad nga bulan pero wala naabtan sang mga operatiba, suno sa police.
Liwat gin-operate sang kapulisan ang subject kag nagtuyo pa nga malagyo pero nadakpan.
Nabaklan ang subject sang isa ka sachet sang suspected shabu sa balor nga P100.
Na-recover man ang 9 tanan ka sachets sang suspected shabu nga ginabanta nagabug-at sang 12 grams kag may standard drug price nga P81,600.
Gintu-ad ni Panaguiton sa police nga nagahalin ang iya supply sa Iloilo City.
