ILOILO — Padayon pa nga ginabulong sa ospital ang 21-anyos nga panday sang nakuryente sa Barangay Ermita, Dumangas, kahapon, Marso 20.

Suno sa Dumangas police, naga-obra si alyas Toto sa two-storey building sang tanod outpost sang natabo ang aksidente.

Ginahakwat ni Toto ang C-purlins sang nasangit sa main nga linya sang kuryente sang ILECO II.

Nagtabog si Toto tungod sa impact nga gilayon man nakita sang iya mga upod.

Napilasan siya sang nagkalain-lain nga parte sang iya lawas. — Aksyon Angel Mae Ciudad