ILOILO — Nagaguyod pa sang kanding sang naabtan kag nadakpan sang mga barangay tanod ang 34-anyos nga pangayaw sa Brgy. Cagbang, Oton las 4 kaina sang kaagahon.
Suno Kay Police Lieutenant Colonel Ahlie Estember, hepe sang Oton Municipal Police Station, ginlantaw sang tanod ang kanding sa likod sang iya balay tungod nga nagagahod.
Gilayon siya nagpanawag sa iya kaupdanan nga tanod sang nakit-an nga may nagapangawat sang kanding.
Nagdalagan ang suspek sang nakit-an siya sang mga tanod nga nagaguyod pa sang kanding pero gilayon nga nadakpan.
Na-identify nga residente sang Brgy. Butacal, Panay, Capiz ang nagpangawat nga temporaryo nagatiner sa Mandurriao.
Nagapangatubang sang kaso nga Violation of Anti-Cattle Rustling Law ang suspek. — ARI trainee Decyrrie Diamante
