ILOILO — Tatlo ka pilas sang pagkabuno ang ginkapatay sang 44-anyos nga pangayaw nga nagpamayle sang ginbuno sa Barangay San Nicolas, San Dionisio las-12:08 kaina sang kaagahon.
Biktima si alyas Batal, samtang suspect si alyas Bulldog, 43-anyos. Lunsay residente sang Barangay Aldeguer, Sara ang duha.
Suno kay Police Captain Maria Rosela Buenvenida, officer-in-charge sang San Dionisio Municipal Police Station, una nga ginsumbag sang biktima ang suspect sang nakita niya sa baylehan.
Wala naman nakahibalo ang biktima nga may kutsilyo ang suspect nga amo ang gingamit niya sa pagpangbuno.
Gilayon nga gindala sa ospital ang biktima pero gindeklarar nga dead-on-arrival.
Nagapabilin naman nga at-large ang suspetsado.
Pareho nga yara sa impluwensiya sang makahulubog nga ilimnon ang biktima kag suspetsado.
Sa pagpangusisa sang mga pulis sa nobya sang suspect, isa na ka tuig sang nagbulagay sila sang biktima.
Natalana pasakaan sang kaso nga murder ang suspetsado. — Aksyon Maria Kayla Tingzon
