ILOILO CITY — ILOILO CITY — Patay ang pangayaw sang ginbuntog kag ginburambudan sang magkal sa Brgy. Bolilao, Mandurriao pasado las-4:30 kaina sang kaagahon.
Suno kay alyas Nene, nakabugtaw siya sang nabatian nga may naglagapok sa pwertahan sang iya balay. Tungod sini, ginbuksan ni Nene ang bintana sang ila balay kag nakit-an ang pangayaw nga natumba sa atubang sang pwertahan.
Wala pa natalupangdan ni Nene nga may nagaburambod nga magkal sa lawas sang pangayaw tungod madulom ang lugar.
Nakibot siya sang may naghulag kag nahimutaran nga magkal ini.
Nagpangayo sang bulig si Nene sa mga tanod kag ginrespondehan ang lugar. Mga residente ang nagbulig agud mapatay ang magkal.
May ginatiniran nga balay sa Bolilao ang pangayaw nga may mga buntog sang magkal sa tuhod kag kamot, suno sa mga residente.
Ginabanta nagalaba sang tatlo ka metros ang magkal, may kadakuon nga ginabanta sa 4 tubtob 6 inches kag nagabug-at sang 10 — tubtob 12 kilos. — Aksyon Paula Elambayo
