ILOILO CITY — Ara na sa advanced state of decomposition ang lapsag nga lalaki sang nasapwan kahapon sang aga sa Brgy. Oñate De Leon, Mandurriao.
Nakit-an sang senior citizen nga nagapaninlo sa lugar ang lapsag nga naputos sa plastic bag kag nasulod sa karton
Nagdumdom pa sa umpisa ang senior citizen nga patay nga sapat ang unod sang plastic apang sang ginbukad niya ini nakit-an niya ang tiil sang lapsag.
Gindala sa simbahan ang lapgsag kag ginpabendisyunan antes ginlubong.
Gina-imbestigaran pa kon sin-o ang nagbilin sang lapsag sa lugar. — ARI trainee reporter Robert Nietes
