ILOILO CITY — Ginpili sang Iloilo Festivals Foundation, Inc. (IFFI), ang Iloilo Sports Complex nga isa sa duha ka mangin judging areas para sa Tribes Competition sang Dinagyang Festival 2026.
Ang isa pa ka judging area ipabilin sa Iloilo Freedom Grandstand.
Suno kay Professor Eric Divinagracia, festival director sang Dinagyang Festival 2026, sa ila nga pag-assess sang kapistahan sang nagliligad nga mga tinuig, luyag sang publiko sang mas daku nga venue agud mas madamo ang makalantaw gani napilian ang Sports Complex.
Angut sini, panubuan man ang ticket price sa P500 agud mas madamo ang makabakal kag makalantaw.
Dugang pa ni Divinagracia, ginkonsiderar sang IFFI ang pagpahagan-hagan sang traffic sa City Proper area tungod indi na magpahamtang sang ingress kag wala na sang isa ka semana nga blockings sa downtown area. — Aksyon Marvin Malificiar
