Pila ka classrooms sa 11 ka eskwelahan sa Iloilo province iga-demolish tungod sa daan nga mga litik kag epekto sang linog

ILOILO — Ginrekomendar nga i-demolish ang pila ka classrooms sa 11 ka mga eskwelahan sa Iloilo province.

Base sa datos sang Schools Division of Iloilo, lakip sa mga eskwelahan nga may classroom nga gub-on ang Danao Elementary School sa Pototan; Malbog Elementary School, Bayas ES, kag Paon ES sa Estancia; Nagpana ES sa Barotac Viejo; Libertad Integrated School kag Talokgangan ES sa Banate; Nanga Integrated School, Igcocolo ES, kag Nalundan National High School sa Guimbal; kag Culasi ES sa Ajuy.

Paathag ni Mr. Leonil Salvilla, spokesperson sang Schools Division of Iloilo, ang gintumod nga mga classrooms ang may daan na nga mga guba. Kalabanan sa mga classrooms ang nakitaan sang litik ang mga beam kag iban pa nga parte. Nadugangan ang mga litik sa sunod-sunod nga linog sang damlag lang.

May ginahulat pa nga dugang nga data suno kay Salvilla agud mahibaluan ang kumpleto kag opisyal nga listahan sang mga classrooms nga panggub-on. — Aksyon Angel Ciudad