ILOILO CITY — Nag-untat biyahe na ang pila ka units sang modernized kag traditional jeepneys sang Western Visayas Transport Cooperative (WVTC) nga may ruta Ungka-Diversion tuga sang naga-sige-sige nga pagmahal sang gatong.
Sa 20 ka traditional jeepneys sang WVTC sa amo nga ruta, 15 na lang ang nagabiyahe subong.
Samtang pito na lang sa 15 ka modernized jeepneys ang nagabiyahe subong.
Ini ang paathag ni Mr. Raymundo Parcon, presidente sang WVTC kon ngaa malaka na lang ang nagabiyahe nga depasahero nga salakyan sa amo nga ruta.
Dugang pa diri ang pagbuhin man sang units sang iban pa nga kooperatiba sa amo man nga ruta, dugang pa ni Parcon.
Magluwas sa mahal nga gatong, gintudlo man ni Parcon ang pagtakop sang klase nga isa sa mga rason kon ngaa napilitan sila mag-untat pasada.
Ginpabutyag man ni Parcon nga gina-intiendi sang Land Transportation Franchising and Regulatory Board (LTFRB) 6 ang ila pag-untat sa pagbiyahe tungod man sa nagapadayon nga pagmahal sang gatong. — Aksyon Marvin Malificiar
