Porsyon sang pader sang Municipal Health Office and Birthing Clinic sa Estancia natumba tungod sang pagbaha sa sige-sige nga pag-ulan dala sang Bagyo Ramil

ILOILO — Natumba ang porsyon sang pader sang Municipal Health Office and Birthing Clinic tungod sa mabaskog nga daludo sang tubig baha sa Brgy. Botongon, Estancia kahapon, Oktubre 18.

Sa pagpangusisa sang news team sa mga residente, masami nga ginabaha ang barangay apang madasig man nga nagahubas.

Apang kahapon, malawig ang pag-ulan nga rason sang pagkatumba sang porsyon sang pader.

Apektado ang 20 ka pamilya.

Taga-hawal tubtob taga-dughan sang mga residente ang baha. Pila sa nga residente ang nagreklamo nga nagkalaguba ang kagamitan tungod nabasa sang baha.

Halin sa Brgy. Banwa Daan kag iping nga mga barangay ang tubig nga nagdiretso sa Brgy. Botongon. — ARI trainee Robert Nietes