Power bank nagkalayo kag naglupok sa sulod sang Roxas Airport sa Capiz

ROXAS CITY — Wala sang may napilasan sang nagkalayo kag nagsigabong ang power bank sa Initial Security Screening Checkpoint sang Roxas Airport sa Capiz kaina sang aga.

Base sa statement sang Civil Aviation Authority of the Philippines (CAAP), na-detect sang airport personnel ang 72,000 milliampere-hour (mAh) power bank sa sulod sang bagahe sang babaye nga pasahero nga mapadulong sa Manila.

Suno sa CAAP, naglapaw ini sa 160 watt-hour nga capacity sang power banks nga ginapasugtan nga dal-on sa sulod sang eroplano.

Samtang ginakuha ang power bank sa sulod sang bagahe, hinali lang ini nga nag-igrab kag nagkalayo sa inspection table.

“An airport security guard immediately responded and discharged a fire extinguisher to suppress the flames. Despite the intervention, the power bank exploded shortly thereafter. Fortunately, the incident resulted in no injuries or significant damage,” suno sa CAAP.