ILOILO CITY — Plastado ang kapulisan sa Western Visayas agud mapabilin ang kalinong sa tunga sang mga plano sang pagtililipon kag rallies sang nagkalain-lain nga grupo sa rehiyon may kaangtanan sa mga anomaliya sa flood control projects.
Suno kay PRO 6 spokesperson Major Lailyn Sencil, sige-sige ang ila monitoring sa sitwasyon agud makapatuman sang tikang kag maplastar ang mga dapat himuon. Ginapaabot na sang mga pulis nga madamo sang matipon kag posible mag-upod sa mga protesta.
Bisan may naka-standby na nga kapulisan, preparado ang PRO 6 sa pag-deploy sang dugang nga puwersa kon maggamo ang sitwasyon.
Sa subong, wala ginapaabot ang pagdinaguso sang maprotesta pareho sa Metro Manila.– Aksyon Farrah Mae Morano
