ILOILO CITY — Ginpa-blotter ni Punong Barangay Arnel Asturias sang Punong, Lapuz sa Iloilo City Police Station 8 ang pulis kag mag-utod nga lalaki sang nagpanghaboy sang botelya sa dalan sa ila barangay sang Agosto 2.
Suno kay Asturias, nag-report ang street sweeper sa iya sang nakit-an nga may mga nagalapta nga buka nga botelya sa dalan.
Tungod sini, gin-review ang CCTV footage sang barangay kag na-identify ang pulis kag ang mag-utod nga nag-inum inom sa tyangge sang pulis.
Ginkadtuan sang Aksyon Radyo Iloilo news team ang balay sang ginareklamo nga pulis agud makuhaan sang statement pero wala siya.
Samtang, gintinguhaan sang Aksyon Radyo Iloilo news team nga makuhaan sang statement ang mag-utod nga lalaki pero nagpamalibad magpa-interview. — Aksyon Paula Elambayo
