Nakaagum sang 2nd degree burn ang pulis nga katapo sang 603rd Company Regional Mobile Force Battalion 6 sang nakuryente sa Brgy. Tolarucan, Mina.
Suno kay Police Captain Isagani Tabares, officer-in-charge sang Mina Municipal Police Station, nagahimo sang communication exercises ang RMFB6 sa boundary sang Mina kag Janiuay sang natabo ang insidente.
Ginpahayag sang police nga gulpi lang naglupok ang live wire samtang nagauyat sang handheld radio ang pulis.
Gindala sa ospital ang pulis nga estable na ang kondisyon. — Aksyon Paula Elambayo
