ILOILO CITY — Nakuhaan sang video sang concerned citizen ang pag-rumble sang mga pamatan-on sa Gaisano ICC grounds sakop sang Brgy. kahapon sang hapon.
Sa video makit-an ang pagkinaran-karan sang mga nagalagaw tungod sa ginamo.
Sa pagpangusisa sang Aksyon Radyo Iloilo news team, 22 ang involved sa gamo kag 19 diri ang mga estudyante halin sa nagkalain-lain nga eskwelahan sa City Proper, Molo, kag Arevalo, samtang tatlo naman ang yara sa legal nga pang-edaron.
Sa impormasyon nga nakuha sang Aksyon Radyo Iloilo news team halin sa Iloilo City Police Station 10, may napilasan sa rumble nga gindala sa ospital.
Nakalab-ut na sa igtalupangod ni Iloilo City Mayor Raisa Treñas ang natabo kag mapatawag sang meeting sa mga concerned agencies. — Aksyon Paula Elambayo
