ILOILO — Napatay samtang ginabulong sa ospital ang 43-anyos nga security guard sang ginbuno sa Barangay Panuran, Lambunao kagab-i.

Suno kay Police Captain Jose Winston Biadog, hepe sang Lambunao Police Station, nagpu-isay ang biktima nga si alyas Lito kag ang suspek nga si alyas Baka sa bilasyonan sang ila nga himata.

Nagdumugay ang duha tubtob nga nabun-an ni Baka ang biktima sa wala nga parte sang tiyan.

Base sa imbestigasyon sang pulis lunsay naka-inom ang duha kag may daan na nga hiligut-anon.

At large sa gihapon ang suspek kag wala man na-recover ang kutsilyo. — Aksyon Angel Mae Ciudad