ILOILO CITY — Patay na sang nasapwan sa sulod sang iya balay ang senior citizen nga babaye sa Brgy. North Baluarte, Molo pasado la-1:00 subong nga hapon.
Suno kay Punong Barangay Alan Aurelio, naga-isahanon nga nagatiner sa balay ang babaye.
Nagahapa sa salog ang babaye sang nasapwan sa balay kag posible nga mailis na pakadto sa obra niya sa Iloilo City Hall ang babaye suno kay Kapitan.
Ulihi nga nakit-an sang Domingo sang hapon ang babaye pagkatapos nagsimba.
Makapila ka beses gintawgan sang iya mga katrabaho ang babaye pero wala sang sabat gani ginkadtuan nila kaina sang udto kag nasapwan.
Gina-imbestigaran na sang Police Station 4 sa Molo ang natabo. — Aksyon Paula Elambayo
