Senior citizen nga lalaki patay sang ginlampusan sang kahoy sang iya paryente sa Guimbal

ILOILO — Patay ang senior citizen nga lalaki sang ginlampusan sang kahoy sang iya paryente sa Brgy. Iyasan, Guimbal Agosto 1 sang hapon.

Suno kay Police Lieutenant Ronie Saldevia, deputy chief of police sang Guimbal Municipal Police Station, nagapanggama sang kawayan ang 45-anyos nga suspek upod ang iya pakaisa sang nag-abot ang biktima.

Pag-abot sang biktima sa lugar, gulpi niya ginlampusan sang kahoy ang pakaisa. Tungod sini, nakit-an sang suspek ang natabo gani nagkuha sang kahoy kag ginlampusan man ang biktima.

Pagkatapos sini, gindala sa ospital sang suspek ang iya pakaisa nga may pilas sa ulo kag nag-report sa police station angut sa natabo.

Naabtan sang police ang biktima sa lugar nga may pilas sa ulo kag ginhingagaw dala sa ospital pero gindeklarar nga dead-on-arrival.

Detained sa Guimbal Police Station ang suspek samtang ginahulat ang desisyon kon mapasaka sang kaso — Aksyon Paula Elambayo