ILOILO — Napilasan sa tuo nga paa ang 66-anyos nga vendor sang gasolina sang gintiro sang iya customer nga wala sang inugbayad sa Barangay Jibolo, Janiuay kaina sang kaagahon.
Suno kay Police Captain Marlon Perez, hepe sang Janiuay Municipal Police Station, nagakatulog ang biktima sang ginpukaw sang mga suspek nga sanday alyas John, 20-anyos nga amo ang nagtiro kag ang driver niya nga si alyas Mar.
Lunsay residente sang Janiuay ang mga suspek kag ang biktima nga si alyas Jo.
Base sa imbestigasyon sang pulis, ginlagas pa sang biktima ang mga suspek nga wala nakabayad sa ila ginbakal nga gasolina.
Tungod sini, ginsugo sang driver ang iya backrider nga tiruhon ang tigulang nga nagalagas sa ila// Arestado ang mga suspek sa hot pursuit operation. — Aksyon Angel Mae Ciudad
