Senior citizen nga nagamaneho sang motorsiklo patay sang na-aksidente sa Sara Iloilo

ILOILO — Patay ang 64-anyos nga driver sang motorsiklo sang nadisgrasya sa Brgy. Aldeguer, Sara pasado las-6:00 kagab-i.

Suno kay Police Captain Theodore Saboy, officer-in-charge sang Sara Municipal Police Station, pakadto sa banwa sang Sara ang biktima upod ang iya 17-anyos nga bata sang nadulaan sang kontrol sa manibela kag nawarik sa pihak nga linya rason nga nakabunggo sa isa pa ka motorsiklo.

Ginapaihan nga naglain ang pamatyag sang driver suno kay Saboy.

Tungod sini, natumba ang ginasakyan nga motorsiklo sang biktima kag naigo sa semento ang iya ulo nga gintunaan sang iya kamatayon.

Wala na nag-request sang autopsy ang pamilya sang biktima nga suno kay Saboy ginapatihan na-cardiac arrest. — Aksyon Paula Elambayo