Senior citizen patay sang maigo sang rim sang ruweda sang delivery van sa Dingle

ILOILO — Nagapungko sa waiting shed sa Brgy. Tabugon, Dingle ang 80-anyos nga si alyas Luz sang naigo sang rim sang ruweda nga naghalin sa nagalabay nga delivery truck, las-9:20 kaina sang aga.

Gindala pa sa ospital si Luz pero gindeklarar nga dead-on-arrival tungod sang patal nga pilas sa dughan kag tuo nga butkon.

Nagpasalig ang tag-iya sang delivery truck nga baydan ang gasto sa pagpalubong sa senior citizen.

Suno kay Police Chief Master Sergeant Emannuel Doromas, Assistant Investigator sang Dingle Municipal Police Station, naglupok ang pang-ulihi nga goma sa wala sang truck. Nagtabog ang lock sang rim kag nag-igo sa senior citizen.

Halin sa Passi City kag padulong sa Iloilo City ang delivery truck nga may karga nga broiler nga mga manok.

Nahibaluan nga gina-hire ang truck agud magdul-ong sang mga manok. — ARI trainee Robert Nietes