ILOILO — Napatay samtang ginabulong sa ospital ang 61-anyos nga senior citizen sang nabungguan sang Toyota Hilux sa national highway sang Brgy. Jibolo, Janiuay kagab-i.
Halin sa siyudad sang Iloilo kag padulong kuntani sa Lambunao ang salakyan sang nabungguan ang biktima.
Suno kay Police Captain Marlon Perez, Officer-in-Charge sang Janiuay Municipal Police Station, nagatabok sa dalan ang biktima sang natabo ang insidente.
Ginkilala ang driver sang salakyan kay alyas Faye, 43 anyos kag residente sang Barangay Cabugao, Lambunao.
Gindala pa sa ospital ang biktima apang napatay kaina sang kaagahon. — ARI trainee Decyrrie Diamante
