ILOILO — Ginpanindugan ni Department of the Interior and Local Government (DILG) Secretary Jonvic Remulla nga accidental firing ang natabo kay Dueñas Vice Mayor Aimee Paz Lamasan.
Ini makaligad ang ila pagpangusisa sa pamilya Lamasan.
Si Remulla ang personal nga nagpadulong sa Iloilo agud hibaluon ang update sa imbestigasyon.
Gindula na nila ang anggulo nga suicide kag homicide sa pagkamatay ni Lamasan base man sa ila natipon nga impormasyon.
Kaupod niya nga nagkadto sa Iloilo si PNP acting chief, PLTGEN. Jose Melencio Nartatez, PRO 6 director BGEN Josefino Ligan kag CIDG acting director Maj. Gen. Robert Morico II.
Apang gin-ako ni Remulla nga may lapses ang Iloilo City Police Office (ICPO) sa actual nga imbestigasyon tungod nag-imbestigar lang ini, 36-oras pagkatapos sang insidente.
Madumduman nga Disyembre 30, 2025 sang aga sang aksidente nga nalukpan sang iya pusil ang bise alkalde. Gindala siya sa ospital agud mabulong.
Pero sang Disyembre 31, napatay sa ospital si Lamasan. — Aksyon Angel Mae Ciudad
