ILOILO CITY — Gina-imbitar sang Manila Broadcasting Company ang Sinamba sa Regatta sang Iloilo City sa Aliwan Festival sa Mayo 7 tubtob 9 subong nga tuig.
Ang MBC Media Group ang naga-organize sang Aliwan Festival kag nagapanag-iya sa Aksyon Radyo Iloilo.
Gin-anunsyo ni Ms. Ellen Fullido, Vice President- Human Resources and Admin Services sa awarding ceremony sang Sinamba sa Regatta sang 53rd Paraw Regatta Festival.
Ginpabutyag ni Fullido nga mas nag-improve ang Sinamba sa Regatta nga nagapasundayag sang kultura sang mga Ilonggo.
Liwat nagabalik ang prestihiyoso nga kompetisyon makaligad gin-postpone sang nagligad nga tuig.
