ILOILO — Dakup ang SK Chairman sang nakuhaan sang P2 million nga balor sang suspected shabu kag marijuana sa drug bust operation sa Barangay Ardemil, Sara las-12:02 kaina sang udto.
Subject sa operasyon si Rexon Mart Abuniawan, 26-anyos nga SK Chairman sang Barangay Del Castillo, Sara.
Suno kay Police Captain Theodore Roosevelt Saboy, officer-in-charge sang Sara Municipal Police Station, Hunyo 2025 nagsugod nga may nagakabaton sila nga impormasyon, personal kag paagi sa Messenger, nga nagabaligya sang illegal nga druga si Abuniawan.
Nadugayan ang pagdakup sa subject tungod sa proseso sang pag-verify sang impormasyon, dugang pa diri nga nabukid na ang barangay sa diin naga-istar ang subject.
Sa monitoring sang kapulisan, sa President Roxas, Capiz nagahalin ang supply sang illegal nga druga nga ginabaligya sang subject sa ila barangay, San Dionisio, Lemery kag Concepcion.
Magluwas sa 300 grams sang suspected shabu may nakuha man sa subject nga suspected marijuana nga nagabug-at sang pulo ka gramos. — Aksyon Maria Kayla Tingzon
