ILOILO CITY — Buksan na ang newly-developed Jaro Big Market subong nga adlaw.
Suno kay Local Economic Enterprise Office ukon LEEO Head Maricel Mabaquiao, ginpasulod na agud makaplastar ang mga vendors sang ila baligya sa ila tagsa ka mga puwesto bilang preparasyon sang soft opening karon sa hapon.
May 294 na ka nagapanag-iya sang mga stalls sa sulod sang merkado halin sa 547 ka mga bag-o nga stalls.
Ang desinyo sang bag-o nga merkado ginbase sa mga heritage houses ukon colonial-era ancestral houses nga makit-an sa Jaro—pinakadamo nga makit-an sa siyudad.
Sa ground floor makit-an ang wet section, samtang sa second floor nahamtang ang mga dry goods and services nga may mataas nga kisame kag malapad nga mga alagyan.
Ginpabutyag ni Mabaquiao nga wala sang pagsaka sa renta sang mga stalls bisan pa gin-develop ang merkado.
P395 million ang ginpa-in nga pondo sang siyudad sa pagpatindog sang merkado.
