Solterito napilasan ang middle finger kag kumalagko sang nalukpan sang kamara sa Alimodian

ILOILO — Tatlo na ang na-record nga firecracker-related incidents sa Iloilo Province subong nga Disyembre.

Pinakaulihi nga insidente amo ang 15-anyos nga solterito sa Barangay Ubodan, Alimodian nga nalukpan sang kamara sa kamot

Suno kay Police Lieutenant Rolly Sorongon, Deputy Chief of Police sang Alimodian Municipal Police Station, gintungtong sang solterito sa bato ang kamara kag ginsindihan.

Wala na siya makapalayo kag gulpi naglupok ang kamara.

Napilasan ang tuo nga middle finger kag kamalagko sang solterito.

Disyembre 19 natabu ang pinakauna nga firecracker-related injury sa diin nabulag ang lima (5) ka tuig nga lalaki tungod nalukpan sang boga sang Disyembre 19 sa Passi City kag ginsundan sang pulo (10) ka tuig sa Cabatuan nga nalukpan man sang boga. — Aksyon Maria Kayla Tingzon