ILOILO — Patay ang 15-anyos nga solterito sang natumba ang ginamaneho nga motorsiklo sa Brgy. Tuburan, Pototan kahapon sang kaagahon.

Ginamaneho sang 15-anyos ang motorsiklo kag angkas ang duha niya ka mga abyan.

Suno kay Police Major Bryan Alamo, hepe sang Pototan Municipal Police Station, papuli na sa Barotac Nuevo ang motorsiklo sang paglab-ut sa national highway nadulaan sang kontrol sa manibela kag natumba.

Patal nga pilas sa ulo ang naagum sang solterito nga gindala sa ospital pero gindeklarar nga dead-on-arrival.

Ginpahayag sang pulis nga madasig ang pagpadalagan sang motorsiklo.

Wala sang suksok nga helmet ang driver kag ang mga angkas. — Aksyon Paula Elambayo