ILOILO— Nagtukod sang Special Investigation Team (SIT) ang Iloilo Police Provincial Office (IPPO) sa kaso nga pagpatay sa 49-anyos nga babaye sa Poblacion A, Dueñas, Marso 23.
Suno kay Police Lieutenant Colonel Rolando Araño, spokesperson sang IPPO, tinutuyo sa pagtukod sang SIT nga mapadasig ang imbestigasyon sa kaso ni Marigold Jamelo, ang ginpaarakan tiro rason nga napatay.
Sa subong may duha ka anggulo nga gina-konsiderar ang pulis; may kaangtanan sa negosyo kag love triangle.
Apang ginpaathag ni Araño nga mga posibilidad pa lang ini base sa mga natipon nga impormasyon.
May duha ka person of interest nga ginatumod na ang pulis.
Note: Ang person of interest nga ginatawag ang posible nga makabulig sa imbestigasyon kag posible man nga mangin suspek sa ulihi. — Aksyon Angel Mae Ciudad
