ILOILO– Nakuhaan sang P300,000 nga balor sang suspected shabu ang pangayaw nga nadakpan sa drug bust operation sa Barangay 15, San Miguel kagab-i.
Suno kay Police Executive Master Sergeant Marlon Rafael, imbestigador sang San Miguel Municipal Police Station, na-monitor nila ang subject nga si alyas Regi, 26-anyos nga taga-Taban Manguining, Alimodian tungod nagalibot siya sa ALEOSAN (Alimodian, Leon, San Miguel) area kag Oton sa pagbaligya sang illegal nga druga.
Nakuha sa subject ang lima ka sachets sang suspected shabu nga ginabanta nagabug-at 50 grams.
Nakaagi na preso si Regi sa kaso may kaangtanan sa illegal nga druga sang 2023 pero nakaguwa paagi sa plea bargaining agreement. — Aksyon Maria Kayla Tingzon
