ILOILO — Dead-on-arrival sa ospital ang tigulang nga babaye nga nabungguan sa Pagdugue, Dumangas pasado las-nueve kaina sang aga.
Ini ang ginkumpirmar ni PSSg. John Mark Tuazon, imbestigador sang Dumangas MPS.
Toyota Hi-ace van nga ginagamit bilang service vehicle sang Barotac Viejo LGU ang nakabunggo sa babaye nga nagatabok sa dalan.
Base sa inisyal nga imbestigasyon sang Dumangas police, nakit-an sang driver nga naghingagaw tabok ang babaye. Ginbusinahan pa niya ang babaye pero nalab-ut sang side mirror sang van.
Gin-custody sang Dumangas police ang driver sang van. —via Marvin Malificiar
