ILOILO— Liwat nga maupod sa nationwide transport strike ang mga drivers kag operators sang depasahero nga jeep sa syudad sang Iloilo.
Suno kay Elmer Foro, Lead Convenor sang No To PUV Phaseout Coalition Panay, indi magbiyahe ang mga depasahero nga jeep sa Marso 26 halin las-6 sa aga tubtob las-6 sa gab-i.
Maplastar ang mga drivers, operators kag iban pa sa Tagbak, Ungka terminals, atubang sang UP- Visayas, kag atubang sang Provincial Capitol para sa hublag protesta.
Ginabanta sa 600 na ka indbidwal ang nagpabutyag nga ma-upod sa untat biyahe kag nagapanawagan nga updan sila.
Lakip sa panawagan sang mga drivers ang pagkakas sa excessive taxes sa petroleum products lakip ang excise tax kag VAT; rollback sa presyo sang gatong; ibasura ang Oil Deregulation Law kag magpatuman sang price controls sa oil; suportahan ang transport workers paagi sa patas nga fare adjustments. — Aksyon Farrah Mae Morano
