ILOILO- Ma-untat sang byahe ang tanan nga mga kooperatiba sa Iloilo City sa Lunes, Marso 23.

Ini ang ginkumpirmar ni Mr. Boyet Parcon, presidente sang Western Visayas Transport Cooperative (WVTC).

Suno kay Parcon sa ila nga kooperatiba tanan nga modernized jeep ang ma-untat sang byahe sa Lunes.

Wala pa siya makahibalo kon ang iban nga traditional jeep nga yara man sa ila coop ang ma-untat.

Sa pagpaathag ni Parcon nga nagkasugot ang tanan nga kooperatiba sa Western Visayas nga ma-untat sang byahe agud ipakita sa gobyerno nga daku nagid ang ila kaperdehan.

Dugang pa niya nga indi lang ini sa Iloilo City kondi sa bilog nga Pilipinas. — Aksyon Angel Mae Ciudad