Tricycle driver nakuhaan sang P1 million nga balor sang suspected shabu sa Oton

ILOILO — Dakup ang tricycle driver sa drug bust operation sa Barangay Abilay Norte, Oton mga las-8 kaina sang aga sang nakuhaan sang P1 million nga balor sang suspected shabu.

Siyam ka sachets nga ginabanta nagabug-at sang 155 gramos ang nakuha sa subject.

Suno kay Police Lieutenant Colonel Ahlie Estember, hepe sang Oton Municipal Police Station, bag-o lang nakakuha sang supply sang illegal nga druga si alyas Tukoy, 48-anyos, sa iya source sa Brgy. Zamora-Milleza, City Proper sang nadakpan.

Dugang ni Estember, madugay na nga gina-monitor sang mga hepe antes pa man sa iya ang subject pero may mga tion nga nagapanago kag temporaryo nga naga-untat sa pagbaligya amo nga nadugayan pa kag nadakpan.

Natukiban man, suno sa pulis, nga magluwas sa Oton, nagabaligya man sang illegal nga druga si Tukoy sa San Miguel. — Aksyon Maria Kayla Tingzon