ILOILO CITY — Nakilala na ang lalaki nga nalumos samtang nagapaligo sa baybay sa Brgy. Rizal Pala-Pala II, City Proper kaina sang hapon.
Ginkilala ang lalaki kay Rodil Jarte, 39-anyos kag residente sang Brgy. Poblacion 5 Hamtic, Antique.
Suno kay Police Captain Michael Tuburan, officer-in-charge sang Police Station 7 sa Tanza Esperanza, trisikad driver ang lalaki kag na-identify sang tag-iya sang trisikad nga gina-arkilahan niya.
Sa pagpangusisa sang police, tatlo pa lang ka adlaw nga nagabyahe sang trisikad ang lalaki suno sa police.
Ginpahayag sang police nga yara sa impluwensiya sang makahulubog nga ilimnon ang lalaki sang nagpaligo sa baybay.
Yara sa Porras Funeral Homes sa La Paz ang bangkay sang lalaki. — Aksyon Paula Elambayo
