ILOILO — Nabungguan sang Honda CRV ang truck sa intersection sang C1 Road sa Sunset Boulevard mga las-6 subong nga aga.
Sa pagpangusisa sang Aksyon Radyo Iloilo news team, wasak ang atubang sang Honda CRV sang nabungguan ang truck nga makuha kuntani sang hardware supply sa Molo.
Tungod sa impact, dyutayan lang nakabunggo sa mga puno sang kahoy ang truck. Suno sa truck driver, gintuyo pa niya nga magpreno pero wala nagkagat gani nagdiretso ang salakyan sa kilid sang karsada.
Nakaagum sang minor injury sa kamot ang pasahero sang Honda CRV.
