ILOILO — Ginkumpirmar ni Punong Barangay Efren Casuncad sang Pagsanga-an, Pavia nga tumandok sang ila barangay ang seafarer nga lakip sa 17 ka Pinoy seafarers nga gin-hostage sang Houthi rebels sa Red Sea.
Pero wala lang sang ideya si Casuncad kun ano na ka dugay nga nagasakay sa barko ang seafarer.
Nauna na ginkumpirmar sang Department of Foreign Affairs ang pagpang-hostage. Ginpasiguro ni DFA Undersecretary Eduardo de Vega nga ginatutukan sang ahensya ang sitwasyon kag ginahimo ang tanan para safe nga makapauli ang tanan nga Pinoy hostage.
Sa pinakaulihi nga update halin sa DFA, safe man suno sa ila ang 17 ka Pinoy seafarers.
Kilala ang grupo sang Houthis nga kaalyado sang Iran kag nagasuporta sa Hamas militants nga nagapakig-away sa Israeli Defense Forces sa Gaza strip.
WALA PA SANG UPDATE SA IYA STATUS
Suno naman sa manghod ni Leonardo nga si Mery Jane Benigay, November 18 katapusan nila nga na-contact ang iya magulang. Nakahambal si Leonardo nga halin sila sa Turkey kag pakadto sa India ang ila biyahe.
Car carrier ship ang ginasakyan nga barko ni Leonardo suno sa iya manghod.
Kinse (15) na ka tuig nga seafarer si Leonardo. Taga-Bacolod City ang asawa ni Flores.
Abril subong tuig sang nagpuli sa Pagsanga-an si Leonardo antes nagbalik sa barko.
Nagapangayo sang bulig ang pamilya kay President Ferdinand Marcos, Jr. nga makapuli nga luwas ang seafarer.
