ILOILO – Nag-abiso ang National Grid Corporation of the Philippines (NGCP) nga nagapatuman sang maintenance shutdown ang Unit 1 sang Panay Energy Development Corporation (PEDC) sugod kahapon sang kaagahon, Pebrero 1.
Suno kay Mr. Reagahn Alcantara, lead specialist sang NGCP, magalawig tubtob Pebrero 17 ang maintenance shutdown sang nasambit nga unit.
Sa pihak sini, ginpasalig ni Alcantara nga estable ang supply sang elektrisidad sa Panay bisan indi magamit ang Unit 1 sang PEDC tungod wala man sang problema sa iban nga mga planta.
Una na nga nagpasalig ang NGCP nga mapaguwa sila sang abiso kun may mga problema sa ila operasyon agud maalerto ang publiko.
