UP High School Dept. ginpuhag sang bomb threat

ILOILO CITY — Ginpapuli na ang mga estudyante sang UP high school sang nakabaton sang impormasyon may kaangtanan sa bomb threat.

Suno kay Gerthrode Charlotte Mabilog, Information officer sang UP High School in Iloilo (UPHSI), ginpaagi sa Messenger ang pamahog nga may bomba sa eskwelahan.

Dugang ni Mabilog, ang account sang isa sa mga estudyante sa senior high school ang gin-hack kag amo ang gingamit agud makapadala sang mensahe sa mga messenger account sang mga estudyante.

Naghimo sang inspection ang police sa lugar kag wala man sang nakita nga bomba. — Aksyon Angel Mae Ciudad